A "Santa Maria Magiur"

A Giacinto Gambirasio
O cara ai Bergamasc, «Santa Maria»
stüpendo monüment d'ün architet
che l’à creat töt grassia ed armonia,
za degn de l'öltem sonn del Donizet;
 
mé pense ai tep che 'l popol a l' coria
pié d'entüsiasmo e de passiù, per ved,
nel cör de la Sità, come l' nassia,
con te, ü miracol d'arte issé perfet:
 
e serte nocc a m' par amò de sent
lé d' dét, a pichetà i marteì söi prede
e i us di möradur, de sema a fond,
 
che i t’à inalsat al Ciel per fa risplend,
nei sècoi, la gran fiama de la Fede.
che mai nissü i pödrà distrüss al mond.
Versetti dialettali di Piero Terzi (Bergamo)
homepage
 
 
 

Leggi tutto l'articolo