FANTASTICU PUZONE

Fantasticu puzone Fantasticu puzone, importunu, indiscretu e attrividu, vana presunzione presumer in s’aera fagher nidu, lassa cussa chimera, chi ses tristu puzone considera.
Considera e discurre ca sas chi jughes sunt bideas malas: alzare in cussa turre ti mancat su podere e i sas alas, puzone senza piumas, no est pro te ancora chi presumas.
Russignolu minore, time pro calchi lampu o calchi tronu, mira pro calchi astore ca su olare in altu no est bonu, e gasi non t’attrivas si cheres chi in su mundu meda bivas.
Meda biver haias si usaias cussas cautelas, e prite naraias chi dias a toccare sas istellas? Ma jompere a igue eo ti juro chi no est pro tue.
                                                                                                     Bachis sulis

Leggi tutto l'articolo